Cristiano Ronaldo rikthehet të bëjë deklarata, kësaj here ai kundërpërgjigjet ish mesfushorit të Barcelonë ,Xavi Hernandes. Futbollisti 36-vjeçar, i cili aktualisht luan në Katar, ka deklaruar se Ronaldo është një futbollist i nivelit shumë të lartë, por ka fatin e keq që luan në të njëjtën kohë me Lionel Messin.
Një deklaratë kjo, që nuk është pëlqyer nga portugezi , i cili i kujtoi ish-rivalit numrin e trofeve të “Topit të Artë” të fituar në këto vite.
“Jam futbollisti më i kërkuar në internet. Ata që duan të dalin në faqet e para të gazetave flasin ende për mua. Ajo që ka më shumë rëndësi për mua është se, Xavi luan në Katar dhe unë nuk e dija. Ai mund të ketë fituar gjithçka, por nuk ka asnjë ‘Top të Artë’, ndërsa unë kam 3 të tillë”, është kundërpërgjigjur Ronaldo.
