Portugalia u eliminua nga Botërori dhe Cristiano Ronaldo u largua nga Katari për të nisur përgatitjet individuale.
Ai është ende pa skuadër, pasi ndërpreu marrëveshjen me Manchester United. Së fundmi, mediet në Spanjë raportojnë se portugezi është stërvitur në qendrën stërvitore të Real Madrid “Valdebebas”.
Kaq ka mjaftuar dhe menjëherë kanë ardhur reagimet e para nga tifozët.
Lajmi është publikuar nga Fabrizio Romano që shkruan se “Relevo” ka parë lojtarin pikërisht në fushën e madrilenëve.
Ndoshta sinjal ky që mund t’i bashkohet Realit në merkaton e dimrit. Megjithatë duhet pritur për të mësuar përfundimisht të ardhmen e 37-vjeçarit.
