Vërtetë një ditë e pazakontë, por pikërisht sot në 20:45 do të startojë java 24 e kampionatit italian. Në “Olimpiko” do të jenë përballë Roma dhe Fiorentina, një ndeshje e vlefshme direkt për zonën Champions. Skuadrat e Spaletit dhe Souzës ndajnë vendin e tretë dhe të katërt të klasifikimit me pikë të barabarta, 53. Në prag të takimit është prononcuar edhe presidenti i skuadrës kryeqytetase, Xhejms Palota, jo më për çështjen “Toti”, por duke vlerësuar punën e trajnerit. “Kundër Fiorentinës do të jetë një ndeshje delikate dhe e vështirë. Ata luajtën mirë ndaj Napolit, por po luajmë mirë edhe ne. Kam besim, sepse Spaleti e ka përgatitur mirë skuadrën”. Ndërkohë që Souza do t’i besojë të njëjtit formacion që barazoi në ndeshjen e kaluar, me Kaliniç në majën e sulmit dhe pas tij Borja, ndoshta edhe nga fakti se mungojnë alternativat. Zarate është i skualifikuar, ndërsa Iliçiç nuk është stërvitur në vazhdimësi për shkak të një problemi muskular. Megjithatë nuk duhet besuar shumë, Souza është mjeshtër i suprizave të minutave të fundit.
Sot dueli me çekët, formacioni i mundshëm i Kombëtares/ Presidenti Duka apel tifozëve në stadium: Le të tregojmë qytetari
Sot në mbrëmje, gjithë vëmendja është në Arenën Kombëtare aty ku Shqipëria do të përballet me Republikën Ceke. Edhe në...
