Arion Kurtaj, një haker me origjinë shqiptare, u bë protagonist i një prej goditjeve më të mëdha në historinë e industrisë së videolojërave kur vodhi të dhënat GTA 6 në vitin 2023. Sot, “Grand Theft Auto” nga Rockstar Games, është shënjestruar për herë të dytë brenda tre vjetësh nga hakerat.
Shkelja e të dhënave u raportua nga mediat e sigurisë kibernetike të shtunën, pasi një grup hakerash morën përgjegjësinë. Në postimet e shikuara nga mediat, kriminelët thanë se kishin fituar qasje në serverat e Rockstar të menaxhuar nga një ofrues i shërbimit cloud të palës së tretë dhe do të publikonin materiale të vjedhura në internet nëse nuk do të paguanin një shpërblim.
Megjithatë, Rockstar e ka minimizuar shkeljen, duke i thënë BBC-së se ky incident nuk ka ndikim në organizatën tonë apo lojtarët tanë. “Mund të konfirmojmë se një sasi e kufizuar informacioni jo-material i kompanisë është aksesuar në lidhje me një shkelje të të dhënave nga një palë e tretë”, tha një zëdhënës i Rockstar Games.
Incidenti shënon herën e dytë që zhvilluesi i lojërave të suksesshme është hakuar. Në vitin 2023, një haker britanik me origjinë shqiptare 18-vjeçar i quajtur Arion Kurtaj hakoi kompaninë dhe vodhi të dhëna, kod burimor dhe videoklipe të lojës së papërfunduar GTA 6.
Sulmi dëmtues pati si rezultat 90 videoklipe të lojës së paplotë për lojën e re shumë të pritur të Rockstar, të cilat u publikuan në forume online, duke e shtyrë firmën të publikonte trailer-in e saj për lojën përpara afatit. Kurtaj ishte pjesë e një bande hakerash adoleshentë të quajtur Lapsus$, e cila hakoi disa korporata të mëdha në vitet 2022 dhe 2023.
gijotina.com/
