Presidentja e Parlamentit Europian, Roberta Metsola, ka kritikuar ashpër vendet e BE për mos hapjen e negociatave për Shqipërinë dhe Maqedoninë e Veriut.
Gjatë fjalës së saj në konferencën e mbajtur në Sofje, Metsola tha se BE nuk duhet të shpikë kritere të reja për pranimin e vendeve kandidate.
“BE duhet të mendojë për mënyrat për të përshpejtuar procesin e zgjerimit në Ballkanin Perëndimor sepse stabiliteti në fqinjën e menjëhershme është jetik për vetë stabilitetin e BE-së,” tha Roberta Metsola.
Ajo tha se besueshmëria e BE-së u minua nga fakti se vendet anëtare të bllokut ende nuk kanë filluar negociatat e pranimit me Shqipërinë dhe Maqedoninë e Veriut pavarësisht se kanë përmbushur kërkesat e BE-së.
“BE-ja duhet të tregojë qartësi për vendet e Ballkanit Perëndimor sepse ato kanë trokitur në dyert tona për një kohë të gjatë,” tha Metsola.
