Drejtori i Teatrit Kombëtar Hervin Çuli është fyer publikisht nga Robert Ndrenika.
Më parë Çuli ka bërë në facebook një status ofendues ndaj aktorit Besmir Haliti, i cili ka marrë pjesë në protestën e PD-së dhe ka folur për problemet në Teatrin Kombëtar. Në statusin e tij, Çuli nuk ka përfillur pshën e aktorit duke pyetur nëse e njeh ndokush.
“I pari në protestë foli një aktor (kështu u prezantua) nga Fushë Kruja. Nëse e njeh njeri të më japi ndonjë koordinatë, se gjynah i shkreti, duhet sqaruar, pasi shumë gjëra për teatrin (shante para mbrapa) deri në Fushë Krujë edhe mund të mos kenë mbërritur. Ta marrë djalli, dhe këtë aktorin nga Fushë Kruja kishim mangut!”, shkruan Çuli.
Por, ky status nuk ka gjetur mbështetjen e Robert Ndrenika, që me anë të një komenti replikon: “Që kur ka filluar të bëjë ham-ham drejtori???”
Drejtori i teatrit, në të cilin Ndrenika ka luajtur në skenë me qindra role, i përgjigjet atij me një tjetër koment fyes.
“Që kur niveli yt ikonë zbriti këtu ku je….”, i përgjigjet Hervin Çuli Robert Ndrenikës.
