Ish-këngëtari i grupit muzikor “Take That”, Robbie Williams foli publikisht për luftën me sëmundjen dhe shëndetin e tij mendor. Në një intervistë për The Sun, ai tha se ka qenë duke luftuar me probleme mendore për një kohë të gjatë.
“Unë kam një sëmundje që dëshiron të më vrasë dhe që është në kokën time, kështu që duhet të jem i kujdesshëm. Ndonjëherë më trullos dhe ndonjëherë pikërisht është ajo që kam nevojë në skenë. Por shumicën e kohës jam krejtësisht mirë dhe bëj një jetë normale. Jam duke u përpjekur të kaloj tundimet dhe problemet që po ndodhin midis veshëve të mi”, tha Williams.
Këngëtari ka rrëfyer se e ka mësuar sëmundjen kur ishte vetëm 19 vjeç. Prej atëherë ka rënë disa herë në varësinë e drogës dhe alkoolit, me probleme të ankthit, peshës dhe frikës nga skenat. Rehabilitimin e ka filluar në vitin 2007 gjatë 33-vjetorit të tij dhe tregon se ka qenë “24 orë larg vdekjes” në vitin 2009 për shkak të një kokteji mjekësor me drogë dhe pilula.
