Është arritur një marrëveshje e re për vazhdimin e evakuimit të civilëve dhe rebelëve nga Aleppo lindore.
Lajmi bëhet i ditu nga agjencia e lajmeve, Reuters e cila ka cituar një burim qeveritar sirian i cili në kushte anonimiteti ka thënë se është arritur marrëveshje për vazhdimin e evakuimit këtë të shtunë 17 dhjetor.
Duke folur nga Aleppo, Al Farouk Abu Bakr ka thënë se marrëveshja përfshinë evakuimin edhe në zonat që kontrollohen nga kryengritësit. Ai ka thënë se do bëhet evakuimi edhe i personave të lënduar nga dy qyteza që mbahen të rrethuara nga forcat pro qeveritare në afërsi të kufirit me Libanin, dhe evakuimin e plotë nga Aleppo lindore.
Procesi i evakuimit u ndërpre dje sepse trupat proqeveritare kishin pretendime se janë shkelur disa nga pikat e marrëveshjes, por fatmirësisht kjo mosmarrëveshje u zgjidh sot.
