Komisioni i Rithemelimit njofton se ditën e sotme do të zhvillohen zgjedhjet për kryetar dege të PD në Roskovec, ku sipas njoftimit, zgjedhjet do të mbahen në Qendrën e Votimit në zyrën e re të PD, te pedonalja e Roskovecit.
Procesi i votimit do të hapet në orën 9.00 dhe do të mbyllet në orën 17.00. Në rast se në Qendrat e Votimit do të ketë ende votues, procesi do të vijojë edhe pas orës 17.00, deri kur edhe anëtari i fundit i PD së degës përkatëse të ketë votuar. Kandidatët e për kryetar dege janë Emeis Xhaxhaj dhe Kevin Cjapi.
Komisioni i Organizimit dhe Kontrollit të Operacioneve Elektorale fton të gjithë anëtarët e PD Roskovec të bëhen pjesë e procesit të votimit për zgjedhjen e Kryetarit sipas parimit “një anëtar një votë”.
