Grazie presidente… mesazhi i dhjetoristit për ish-kryeministrin e kohës së Ramiz Alisë që ndoshta vazhdon të aspirojë për postin e presidentit
Kanë kaluar shumë vjet prej kohës kur ishin në dy kampe kundërshtare e kur beteja politike mes tyre ishte mjaft e ashpër. Fatos Nano ishte kryeministër i zgjedhur nga PPSH-ja ndërsa Arjan Manahasa një prej studentëve të dhjetorit më aktiv prej ditës së parë të protestave kundër qeverisë së Adil Çarçanit të PPSH-së e më pas kundër asaj të Fatos Nanos.
Mbrëmë janë shfaqur bashkë në një fotografi pas një darke ku ish-kryeministri, kishte kaluar në restorantin e Arjan Manahasës. Një fotografi që duket se është shkrepur në një atmosferë shumë miqësore. Manahasa e ka publikuar në facebook, fotografinë bashkë me mesazhin: “grazie presidente..”
Fatos Nano ka shumë vite që është aspirant për president, me sa duket, Manahasa ia ka lexuar mendimin se Nano do të vazhdojë të jetë aspirant për postin e presidentit.
