Pas një viti pezullim, qytetarët shqiptarë pritet të kenë sërish mundësi të aplikojnë për programin e lotarisë amerikane, i njohur si Diversity Visa Lottery, për edicionin e vitit 2027.
Sipas njoftimeve zyrtare nga U.S. Department of State, janë bërë disa ndryshime në procedurat e aplikimit, me qëllim rritjen e sigurisë dhe shmangien e abuzimeve me aplikime të shumëfishta apo fiktive.
Ndër risitë kryesore përfshihen:
Vendosja e një tarife simbolike aplikimi prej rreth 1 euro
Detyrimi për të pasur një pasaportë të vlefshme në momentin e aplikimit
Dorëzimi i një fotografie të kohëve të fundit
Kërkesa për identifikim më të saktë të aplikantit
Po ashtu, janë bërë disa ndryshime teknike në formularin e aplikimit, si zëvendësimi i termit “Gender” me “Sex” dhe përdorimi i “Date of Birth” në vend të “Age”.
Këto masa synojnë të garantojnë që aplikimet të jenë autentike dhe të verifikueshme, duke kufizuar aplikimet e pasakta ose të shumëfishta.
Aplikimet për lotarinë amerikane 2027 pritet të hapen gjatë periudhës shtator–tetor 2026, ndërsa numri i përfituesve do të mbetet i pandryshuar. Megjithatë, për shkak të kritereve më të rrepta, pritet një proces më selektiv për aplikantët.
The post Rinis Lotaria Amerikane! Nga pagesa tek identifikimi, ja kriteret që duhet të plotësohen appeared first on 27.
