Është rikthyer përsëri në vëmendje sherri me reperes Tayna dhe Dafina Zeqiri. Në vitin 2019 ato bashkëpunuan për këngën me titull “Bye Bye”, këngë të cilën e këndojnë ende nëpër koncerte pavarësisht prishjes së raporteve. Mes të tjerash, në tekst është një varg ku thuhet: “Bashk na kur vina, kërkush mo veç Tayna e Dafina”. Mirëpo, në një nga koncertet e fundit, reperja ia ka ndryshuar tekstin duke hequr emrin e Dafinës. Në një video të bërë virale në TikTok ajo thotë: “Kërkush mo, veç Tayna e Doruntina”. Doruntina është emri i vërtetë i Taynës.
Pas saj, edhe Dafina nuk e përmend më emrin e Taynës në këngë. Së fundmi, ajo ka publikuar një video në TikTok ku shfaqet me mikeshën e saj e cila po ashtu quhet Dafina, ku shkruan: Pa mua, nuk ekziston ajo. Pa të, nuk ekzistoj unë”.
Mes shumë komenteve dikush shkruan: “Tayna left the chat (largohet)”. Mirëpo, gjithë vëmendjen e ka marrë Dafina e cila shkruan “Më mirë”.
Kujtojmë se asnjëra nuk ka treguar çfarë ndodhi mes tyre. Por, me siguri mund të themi se nuk janë mikesha. Verën e 2019 ato e kaluan bashkë në koncerte e po ashtu i shihnim shpesh në rrjetet sociale. Por, papritur disa muaj më vonë u vu re se ato nuk po e mbështesnin më njëra-tjetrën si më parë. Ndryshe nga sa kishin bërë më parë, prej kohësh ato qëndronin në heshtje kur bëhej fjalë për suportin ndaj njëra-tjetrës.
E gjitha mori shumë zë kur Tayna ishte e ftuar në emisionin e Meriton Mjekiqit “Gjoni Black”, ku siç e do zakoni i këtij emisioni, kishte bërë edhe një freestyle. Dhe të gjithë fansat aluduan se ai ishte “diss” për Dafinën dhe kundërpërgjigje ndaj këngës së saj “Zili zili”. Në këtë këngë, që duket se është një “diss” por nuk ka asgjë konkrete se me kë.
Pas kësaj, në 2020 ato hoqën njëra-tjetrën nga Instagrami. Dy artistet ishin follow deri para shfaqjes së Taynës në “Gjoni black”. Kjo u pasua nga statuse të shumta nga të dyja ato. Në njërin prej tyre Dafina shkruante: “Eminem përgjithmonë! Kur dështakët u bëjnë diss idhujve të tyre!“.
@dafinapipinazeqiri Without me – theres no her! Without her – theres no me @dafineneziri ur two favorite Dafinas! 🫶
