Policia në Rinas ka bërë të mundur arrestimin e 4 personave të akuzuar për falsifikim dokumentesh. Ndërsa dy të tjerë po procedohen në gjendje të lirë për veprën penale “Falsifikimi i letërnjoftimeve, pasaportave ose i vizave”.
Policia bën me dije se u arrestua në flagrancë 21-vjecari me inicialet E.R banues në Tiranë, pasi në pasi iu gjet një kartë identiteti italiane dhe një kartë sanitare italiane, që dyshohen si të falsifikuara.
Në pranga ra po ashtu 37 vjecari me inicialet R.M, banues në Berat, pasi në aeroport Rinas, iu gjet një kartë identiteti e falsifikuar.
U arrestuan 27-vjecari me inicialet U.M dhe dhe 38-vjecari me inicialet A.M, banues në Shkodër pasi iu sekuestruan në cilësinë e provës materiale karta identiteti italiane të falsifikuara.
Gjithashtu u proceduan në gjendje të lirë A.A dhe J.M , banues në Gramsh pasi në Rinas, në dalje janë kapur me kartë identiteti të falsifikuar.
