Edgar Cani duket se ka lënë pas periudhën e vështirë.
Sulmuesi 26-vjeçar që konsiderohej si e ardhmja e Kombëtares shqiptare, pak ditë më parë shënoi një dygolësh për ekipin e Pizas, duke i dhënë fitoren ndaj Arecoz.
Cani ishte pranë largimit nga ekipi i Lega Pro, për shkak se ishte aktivizuar shumë pak dhe kishte realizuar vetëm një gol.
Por, ai thotë se besimi që i ka dhënë trajneri Xhenaro Gatuzo, ka bërë që të qendrojë.
Aktualisht Piza ndodhet në vendin e dytë të grupit B të Lega Pro, 9 pikë larg vendit të parë.
Për t’u ngjitur në Serinë B, ajo duhet të renditet e para, gjë që sipas Canit nuk është e pamundur.
Cani për 2-3 vite ka qenë pjesë e rëndësishme e Kombëtares shqiptare, duke luajtur 15 ndeshje.
Por, vitet e fundit ai e ka humbur shkëlqimin, duke përfunduar në ekipe të kategorive të ulëta, ku nuk është aktivizuar rregullisht.
Kjo ka bërë që ai të mos grumbullohet më në Kombëtare.
Por, sulmuesi tashmë duket se ka rilindur.
