Ish deputetja e LSI-së Floida Kërpaçi, e ftuar ditën e sotme në Fax News foli në lidhje me vendimin e qeverisë për hapjen e shkollave në kushtet e pandemisë së Covid-19.
Kërpaçi nënvizoi faktin se qeveria ende nuk ka një plan sesi do të zhvillohet procesi mësimore dhe të gjithë janë të paqartë në lidhje më situatë.
Po ashtu ish-deputetja theksoi se ende në gjimnazet e Tiranës, zhvillohet mësimi me turne dhe gjimnazistët duhet të ndahen në disa grupe, ndërkohë që ministria ende nuk ka një udhëzim.
“Data e fillimit të vitit të ri shkollor është thjeshtë një datë. Ky vit i ri shkollor nuk është normal dhe është një vit që kërkon përgatitje. Të shumta kanë qenë mesazhet komunikimet me prindërit dhe mësuesit që janë të shqetësuar sesi do të vijojnë viti shkollor.
Ministria dështoi gjatë kohës së izolimit me mësimin online. Po vazhdon me të njëjtën sjellje dhe qasje duke pasur vetëm një strategji të krijimit të ankthit, të krijojë të një psikologjike shumë të rënduar. Mos të harrojmë që mësimi me dy turne në gjimnaze është një mësim që ende po zhvillohet në Tiranë. Ka shumë shkolla të dëmtuara dhe nuk janë në funksion për t’u vendosur për këtë vit të ri shkollor. Kemi ministrinë që nuk ka asnjë zgjidhje dhe asnjë plan masash.
Jemi tre javë para fillimit të vitit të ri shkollor dhe nuk kemi asnjë lloj informacioni përveçse datës së hapjes së shkollës. Nuk dimë akoma sesi do të zhvillohet mësimi, do të shkojnë të gjithë në shkollë. Gjimnazet në Tiranë zhvillojnë mësime me dy turne. Klasat do të jetë të mbingarkuara, dhe kërkohet se çfarë do të ndodhë. Paqartësia është e madhe. Nuk ka një plan masash të higjienës të programit. Është një tërësi masash që akoma ministria nuk i ka vendosur.”- tha Kërpaçi. /FaxWeb
