Pas këto dy ditëve kur dukej se moti temperaturat do të zbuteshin, ARRSH njofton se do të rikthehen reshjet e borës në të gjithë qarkun e juglindjes. Sipas të dhënave nga ARRSH, prej mbrëmjes se kaluar trashësia e dëborës ka arritur nga 10 deri në 35 cm. Pavarësisht kësaj të gjitha akset nacionale janë të kalueshme, burimet zyrtare bëjnë te ditur se akset nacionale Qafë-Thanë-Kapshticë, Korçë-Ersekë-Leskovik, Zëmblak-Gorricë dhe rruga e Voskopojës janë të kalueshme pa probleme. Përjashtim bën rruga e Dardhës, e cila pjesërisht është e kalueshme me zinxhirë. Më e vështirë situata paraqitet në fshatrat e njësive administrative Lekas e Vithkuq. Për të përballuar këtë situatë sipas drejtorit të Ndërmarrjes së Shërbimeve Publike Ilir Dinellari po punohet me 12 mjete borëpastruese dhe fadroma, 5 prej të cilave janë marrë në përdorim nga bashkia e Korçës.
Në qytetin e Korçës bora ka shkuar deri në 20 cm, por punonjësit e shërbimeve publike kanë punuar gjatë gjithë natës për të pastruar rrugët dhe trotuaret duke e bërë ato te kalueshme për mjetet dhe këmbësoret. Në Korçë po punohet për të hapur rrugët e fshatrave Vithkuq, Lubonjë, Shtyllë dhe Gjanc, ashtu siç po punohet për të mbajtur të hapur aksin Voskopojë-Lekas.
Në Maliq aksi nacional që të çon në Gramsh është i kalueshëm, ndërsa probleme paraqiten në rrugët e fshatrave të njësive administrative Gorë dhe Moglicë, për të cilat kryebashkiaku Gëzim Topçiu tha se po punohet për hapjen e rrugëve dhe kriposjen e tyre. Edhe në fshatrat e njësisë administrative Dardhas situata paraqitet e vështirë, pasi 7 fshatra kanë probleme në lëvizjen drejt qendrës së njësisë.
Nga ana tjetër në fshatrat e Trebinjës, Proptishtit e Velçanit edhe për shkak të trashësisë së pakët të borës, situata është nën kontroll. Pa probleme paraqiten edhe fshatrat e Devollit të Sipërm bën të ditur kryebashkiaku Eduard Duro, ndërkohë që nga bashkia e Kolonjës kryebashkiaku Erjon Isai thotë se po punohet për hapjen e rrugëve të disa fshatrave, kryesisht në njësinë Mollas. Zyrtarisht nga OSHEE lajmërohet se në të gjithe qarkun nuk ka probleme me energjinë elektrik
