Ministria e Shëndetësisë publikon bilancin e fundit të pandemisë së Covid-19, në vendin tonë. Krahasuar me një ditë më parë numri i viktimave nga pandemia ka shënuar rritje, ndërsa ka rënë numri i qytetarëve të infektuar në 24 orët e fundit. Sipas të dhënave të MSH, gjatë 24 orëve të fundit në vendin tonë janë shënuar 2 humbje jete dhe 147 të infektuar.
“Ju informojmë për situatën në 24 orët e fundit, si vijon: Janë kryer 442 testime, nga të cilat kanë rezultuar pozitivë me COVID19, 147 qytetarë, në këto bashki:
61 në Tiranë, 14 në Fier, 11 në Lushnje, 10 në Durrës, 8 në Berat, nga 6 qytetarë në Vorë, Divjakë, Gramsh, 4 në Pogradec, nga 3 qytetarë në Shkodër, Kurbin, Kavajë, Gjirokastër, nga 2 qytetarë në Tropojë, Devoll, nga 1 qytetar në Lezhë, Vlorë, Selenicë, Kolonjë, Dimal.
Janë 3,640 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 23 pacientë. Në 24 orët e fundit ka dy humbje jete me Sars-Cov2: një qytetar nga Vlora 59 vjeç, një qytetar nga Tirana 93 vjeç.
Janë shëruar 441 qytetarë gjatë 24 orëve të fundit, duke e çuar numrin e të shëruarve në 275,693 që nga fillimi i epidemisë.”-njofton MSH.
Polici Enea Mekolli është dy herë hero, vrasësi i tij financohej me fonde shtetërore –
Kreu i PD-së, Sali Berisha ka reaguar në lidhje me detajet e zbardhura së fundi të cilat tregojnë se familjarët...
