Ditën e sotme në orën 17:00 do të rikthehen protestat sërish para kryeministrisë. Organizatorët kanë njoftuar se protesta synon që qeveria të reflektojë dhe të ulë çmimin e karburanteve dhe produktet ushqimore. Qytetarët kanë protestuar edhe më herët por u ndalën me uljen e çmimit të naftës në bursa e si rrjedhojë edhe në vendin tonë.
Ndërkohë, sot qytetarët do të jenë përsëri para kryeministrisë në bulevardin dëshmorët e kombit. Deri tani protestat janë zhvilluar të qeta dhe nuk kanë shënuar incidente.
Nga ana tjetër, Bordi i Transparencës njoftoi çmimet deri në fund të muajit. Nga të dhënat e paraqitura nafta dhe benzina do të shiten më lirë, ndërsa çmimi i gazit është rritur.
“Çmimi i shitjes me pakicë i nënproduktit gasoil i standardit SSH EN 590 të jetë 237 lekë/litri, ndërsa i shitjes me shumicë 225 lekë/litër.
Çmimi i shitjes me pakicë i nënproduktit benzinë e standardit SSH EN të jetë 211 lekë/litri,ndërsa i shitjes me shumicë 199 lekë/litër.
Çmimi i shitjes me pakicë i nënproduktit gaz, të jetë 116 lekë/litri me pakicë dhe i shitjes me shumicë 104 lekë/litër për automjetet”.
