Rihanna ka njoftuar në rrjetet sociale për vdekjen e kushëririt të saj Tavon Kaiseen Alleyne, 21 vjeç, i vrarë gjatë një shkëmbimi zjarri me armë në 26 dhjetor në ishullin e Barbados.
Në postimin e bërë ylli i muzikës ka shkruar se “nuk mund ta besoj që ishte nata e fundit që kaluam bashkë”.
Sipas asaj që raportohet nga disa media lokale i riu po ecte pranë banesës së tij në zonën e Saint Michael (Barbados), kur një burrë i është afruar dhe ka hapur zjarr duke e vrarë menjëherë.
Për momentin nuk janë bërë publike shkaqet për vrasjen. Rihanna ka publikuar ndërkohë fotot e bëra vetëm dy ditë më parë me kushëririn e vrarë.
