Këngëtari i famshëm Ricky Martin ka publikuar në Instagramin e tij një video ku i bën thirrje të gjithëve për të gjetur një nga vëllezërit e tij të humbur në Porto Rico gjatë Uraganit Maria.
“Jam shumë i shqetësuar sepse nuk po arrij dot të lidhem me një nga vëllezërit e mi. Nuk e dimë ku është. Jam i sigurt që nuk jam i vetmi.
Ka shumë njerëz që jetojnë jashtë ose në ishull, që nuk arrijnë të flasim me familjet e tyre për shkak të problemeve me komunikimin”, u shpreh ai.
Ricky Martin gjithashtu i ka bërë thirrje ndjekësve të tij që të kontribojnë ne fushatën e hapur për të ringritur edhe njëherë ishullin dhe për të ndihmuar viktimat që shkaktoi ky uragan i fuqishëm.
