Riatdhesohen 30 shqiptarë që kishin aplikuar për azil në Francë dhe Belgjikë

30 shqiptarë janë riatdhesuar nga Franca dhe Belgjika, ku ditën e sotme kanë mbërritur në Rinas.

Zv ministrja e Brendshme, Rovena Voda tha se azil kërkimi për vitin 2017 nga shqiptarët është në rënie. Voda apeloi për këdo të mos bëjë tentativë për azil, sepse do të rezultojë e dështuar, pasi Shqipëria është në listën e vendeve të sigurta.

“Azil kërkimi në 2017 ishte në rënie, po hartojmë një dokument politikash për migracionin Ministria e Brendshme së bashku me institucionet përgjegjëse po hartojnë një dokument politikash për migracionin, që parashikon ofrimin e më shumë mundësive të zgjidhjes këtu për shqiptarët, që tentojnë azil në vendet e BE-së”- tha ajo.

Voda shprehet se ky dokument do të shoqërojë masat e shtuara për kontrollin kufitar, për frenimin e fenomenit të azil kërkimit.