29 shtetas shqiptarë të cilët kishin kërkuar azil në Francë, janë riatdhesuar vullnetarisht gjatë pasdites së sotme.
Mësohet se shtetasit ishin nisur me një avion të posaçëm në Shqipëri, në kudër të operacioneve të Policisë Kufitare në bashkëpunim me partnerët e vendeve të BE-së.
Ministria e Brendshme dhe Policia e Shtetit edhe njëherë apelojnë për të gjithë shtetasit shqiptarë që të mos tentojnë për të kërkuar azil dhe mos abuzojnë me rregullat për lëvizjen në hapësirën Schengen, si dhe të tregojnë kujdes mos bien pre e mashtrimeve për të marrë dokumente false me qëllim përfitimin e azilit në vendet e BE-së, pasi shanset për të përfituar janë zero.
