Lëvizja Vetëvendosje në Shqipëri shprehet se është në pritje të rezolutës së vonuar në Kuvendin e Republikës së Shqipërisë për njohjen dhe dënimin e gjenocidit të Serbisë.
Në një postim në Facebook, Vetëvendosje shkruan se pozita, opozita, Presidenti dhe të gjitha institucionet të veprojnë pa vonesa për mbështetjen dhe miratimin e kësaj Rezolute të domosdoshme për kombin shqiptar.
Postimi i plotë
“Gazetarja ia përmend gjenocidin dhe krimet e Serbisë, Rama e imiton dhe nuk përgjigjet.”
21 dhjetor 2019, takimi në Durrës për “Minishengenin” ballkanik.
Në pritje të rezolutës së vonuar në Kuvendin e Republikës së Shqipërisë për njohjen dhe dënimin e gjenocidit të Serbisë. Urojmë që pozitë, opozitë, Presidenti dhe të gjitha institucionet të veprojnë pa vonesa të mëtejshme për mbështetjen dhe miratimin e kësaj Rezolute të domosdoshme për kombin shqiptar.
* Fotografi nga aksioni simbolik dhe konferenca për media e LVV Shqipëri më 15 janar 2020, në Tiranë, para kryeministrisë, ku u shtrua publikisht kërkesa për miratimin e kësaj rezolute
