Nga Ilir Seci
Data 1 Maj që njihet në disa vende të botës si “Dita e Punëtorevë” asht e shpallun si e tillë nga Internacionalja e Dytë Komuniste ne vjetën 1891. Drejtuesit e Internacionales së Dytë Komuniste e shpallën këtë datë gjoja me përkujtue “Masakrën e Haymarket” në Çikago, masakër që ndodhi me 4 Maj 1886, në kohën e grevave të Sindikatave të punëtorëve të Çikagos që kërkonin ditën e punës 8-orëshe dhe pagën ditore 1 dollarë e 50 cent…
Sindikata e punëtorëve të Çikagos mbronte të drejtat e punëtorëve por nuk pajtohej me idetë komuniste të internacionalistëve që sa herë ishin mundue me futë në dorë sindikatën më të fuqishme të botës. Sindikata kishte zgjedhë rrugën e grevës për me mbërri synimet që ishin 8-orëshi në ditë dhe 1 dollarë e 50 pagë ditore dhe nuk donte asnjë asocim me Internacionalen. Për fat të keq Çikago ka qenë djepi i lëvizjeve anarkiste, (vazhdon me qenë edhe sot deri në një farë mase), dhe për këtë arsye shumë anarkistë shfrytëzuen atë rast me veprue. Me 3 Maj 1886 disa punëtorë grevistë ishin mbledhë te hymja e kompanisë “The McCormick”, mos me lejue do grevëthyes me fillue punën. Anarkistët e infiltruem në radhët e grevistëve sulmuen punëtorët te hymja e kompanisë dhe policia ndërhyni me mbrojtë punëtorët-grevëtheys të rrezikuem nga sulmi…tensioni u përshkallezue si pasoje e akteve provokuese anarshiste dhe policia qëlloi duke vra 2 punëtore.
Ditën e nesërme me 4 Maj 1886 anarkistët shpërndanë trakte sikur te kompania “The McCormick” ishte ba nami dhe ftuen popollin për me dalë në protestë në sheshin “Haymarket”, Çikago. Në protestën e mbajtun me 4 Maj 1886 një tjetër anarkist hedh një bombë artizanale drejt policisë tue shkaktue vdekjen e 7 policëve. Edhe protestuesit mbanin armë prandaj u shkëmbye zjarr mes tyne dhe policisë, si rezultat edhe 4 punëtorë gjetën vdekjen.
7 policë dhe 4 punëtorë të vramë atë ditë – ky ishte bilanci i të famshmes “Masakra e Haymarket”…
Masakër që Internacionalja Mashtruese Komuniste e shndërroi në simbol të ditës së punëtorëve. Mashtrimi nis qysh me datën ma së pari…ngjarjet kanë ndodhë më 3 dhe 4 Maj 1886, por për mashtruesit kronikë të Internacionales Komuniste kjo ishte një vogëlsi e papërfilshme…Për ta mjaftonte me u krijue një Mit – Nji rrenë e mitosun për me vërtitë masat e manipulueshme…
– Nji mashtrim i ngjashëm me të famshmin “sulm ndaj Bastijes” që shkaktoi Revolucionin e pergjakshëm francez, sulm gjoja kundër burgut ku mbaheshin të dënuem politike ndërsa e vërteta asht se burgu ishte thuejse bosh, të burgosun ishin vetëm disa persona të dënuem për fallsifikime çeqesh ;
– Nji mashtrim i ngjashëm me datën 8 Mars që u shpall si Dita e Grues në Bashkimin Sovjetik – në pvrkujtim të një proteste mbajtë në New York me 28 Shkurt 1909…Rrena e mitosun komuniste flet për gra të msakrueme kurse e vërteta asht se data 28 Shkurt 1909 shënon të paren protestë në botë mbajtë për të drejtat e grave ;
– Nji mashtrim i ngjashëm me të famshmin “Revolucion i Tetorit” që në fakt ndodhi në Nandor…Revolucion që faktikisht nisi si rezultat i manipulimit të nji turme të dehunish që sulmoi Pallatin e Dimnit…
***
…Interesante ishin sot shumë shënime shqiptarësh nëpër rrjete sociale – dedikue datës 1 Maj – “Ditës së Punëtorëve”…Rrugë të gjatë e të mundimshme kena na bijtë e shqipes me u ftillue nga propaganda komuniste…Merreni me mend, 27 vjet mbas ndryshimeve në Lindje, ende besohen dhe trumbetohen mitet komuniste…
