“Reuters” raporton vendimin e Gjykatës Kushtetuese në lidhje me ligjin për Vettingun
Agjencia ndërkombëtare e lajmeve “Reuters” shkruan se ky vendim i hap rrugë zbatimit të legjislacionit që kërkon Bashkimi Europian para fillimit të bisedimeve për anëtarësim dhe hapjen e negociatave me Shqipërinë.
Reuters: “Nëse verifikimi i gjyqtarëve dhe rishikimi i gjyqësorit do të prodhojë rezultat gjatë vitit të ardhshëm, atëherë Komisioni Evropian do të mund të sinjalizojë në çdo kohë pëlqimin e vet për shtetet anëtare të BE-së dhe t’i këshillojë ata se Shqipëria është gati për bisedimet e aderimit.
BE-ja dëshiron që gjyqësori në shtetin ish-komunist të Ballkanit të bëhet vërtet i pavarur, i aftë për të luftuar korrupsionin endemik dhe krimin e organizuar, si dhe për t’i dhënë fund mosndëshkimit të politikanëve”
