Kryeministri Edi Rama u shpreh për gjendjen e përmbytjeve, duke thënë se situata në zonën e jugut do të jetë e rënduar sipas parashikimeve.
Gjatë mbledhjes së Shtabit të Emergjencave këtë mëngjes për të bërë një analizë të situatës pas reshjeve të dendura të një dite më parë Kryeministri tha se “falë masave që kemi marrë duke bërë pastrime masive të kanaleve dhe duke investuar në disa segmente pas përmbytjeve të mëparshme, e kanë sidoqoftë relaksuar goxha situatën”.
Ndërsa Kreu i Emergjencave Civile, Shemsi Premçi bëri të ditur se është njoftuar dhe pala greke, lidhur me vërshimet e Vjosës. “Po testojmë prurjet e Vjosës nga ana jonë, në Gjirokastër dhe Tepelenë dhe është vlerësuar situata. Për këtë janë njoftuar prefektët e të gjithë rajonit”, tha Premçi.
