Prej dy ditësh bora ka zbardhur gjithë vendin, duke mos kursyer as kryeqytetin, sipas MeteoAlb, ndikimi i kthjellimeve të shkurtra me vranësira të shpeshta do të vijojë deri në mesditë kur vranësirat shtohen në të gjithë vendin duke sjellë shira në pjesën më të madhe të vendit.
MeteoAlb bën me dije se në zonat malore në Veri dhe Verilindje do të bjeri sërish dëborë, ndërsa në kryeqytet nuk parashikohet të ketë më reshje bore.
Temperaturat e ajrit do të pësojnë rritje me 3- 4°C në orët e mesditës duke ndihmuar në shkrirjen e ngricave. Era do fryjë mesatare deri e fortë në mbrëmje, me shpejtësi 70 km/h nga drejtimi Jugor ndërsa në det dallgëzimi ngjitet 5- 6 ballë.
