Nga e hëna më mëngjes, të gjithë ata që do të shkojnë në punë do të paguajnë biletën e urbanit 10 lekë më shtrenjtë.
Sipas vendimit të Këshillit Bashkiak të kryeqytetit, bileta për të gjitha linjat do të kushtojë 40 lekë.
Nënkryetari i Bashkisë së Tiranës, Arbian Mazniku ka dalë sot në një komunikim me mediat dhe ka thënë se bashkia do të monitorojë ngushtë cilësinë e shërbimit.
Mazniku bëri publike për mediat 10 masat e institucionit që drejton: “Respektimi rigoroz të orareve të fillimit dhe mbarimit të shërbimit. Respektimi rigoroz i frekuencës stacionit të autobusëve. Respektimi i shpejtësisë së lëvizjes së mjeteve. Gjatë kryerjes së shërbimit do të qëndrojnë në çdo stacion të linjës. Të gjitha mjete do të pajisen me emrin e linjës, ngjyrën , numrin dhe shenjat e tjera të identifikimit. Të gjitha mjetet duhet të jenë të pajisur me kondicionerë funksionalë të cilët do të jetë gjithmonë në punë. Të kenë pastërti si jashtë dhe brenda mjeteve. Të vendosin itenerearin e lëvizjes. Personeli të pajiset me uniformë. Nuk do tolerohet asnjë keqkomunikim.
Mirëpo nënkryetari i bashkisë nuk tha asgjë për çështjen e çmimit dhe se si ky çmim do të rëndojë tek qytetarëve. Njerëzit presin nga bashkia të sqarojë çështjen e abonesë por edhe librezat e invalidëve dhe personat në nevojë.
/27.al/
