Agjencia Europiane e Barnave i ka dhënë “dritën e gjelbër” vaksinës kundër koronavirusit Pfizer/BioNTech, pas takimit të Komitetit për Produkte Medicinale për Përdorim Njerëzor (CHMP).
Tani Komisioni Europian mund të licencojë vaksinën në tregun e BE-së, që mund të ndodhë edhe sonte.
Vlen të përmendet se Komiteti Coreper për Produkte Medicinale për Përdorim Njerëzor, i cili përfshin ekspertë nga të gjitha shtetet anëtare, lëshon një rekomandim pozitiv vetëm kur provat tregojnë bindshëm se përfitimet e vaksinës tejkalojnë rreziqet e vaksinës.
Rregullatori i BE me bazë në Amsterdam ishte nën presion nga vendet evropiane, përfshirë Gjermaninë, për të shpejtuar vendimin, i cili ishte planifikuar fillimisht për 29 dhjetor.
Vaksinimi pritet të nisë në 27 dhjetor në të gjitha vendet njëkohësisht. Data 27 është zgjedhor simbolikisht, sepse vendet anëtare të BE-së janë 27.
Komisioni Evropian aktualisht është në negociata intensive për të siguruar një gamë të larmishme të vaksinave me çmime të arsyeshme.
Agjencia Evropiane e Barnave do të vendosë edhe për vaksinën e kompanisë Moderna, më 6 janar Vaksina Pfizer/BioNTech ka dalë të jetë 95 për qind efektive në fazën e fundit të testimit. Vaksina Moderna, e cila përdor teknologji të ngjashme, është 94 për qind efektive.
