Deputeti Andi Përmeti u shpreh kundër emërimit të deputetëve nga kryetari i partisë.
Në seancën e sotme të Kuvendit, Përmeti iu drejtua socialistëve në sallë duke thënë se gjysma e tyre nuk do jenë më në këtë sallë, nëse do vendosë sërish Rama.
“Dje morëm një lajm të pritur por të keq, mosndryshimin e sistemit zgjedhor. Edhe në këto zgjedhje deputetët do të emërohen nga kryetarët dhe nuk do zgjidhen nga populli. Nëse ju ia lini në dorë 100% Edi Ramës bërjen e listave kam frikë se 50% e juaja do mungojë në Parlamentin e ardhshëm. Kam frikë se ai po përgatit skenarin e 2013, për t’ju zëvendësuar juve me kriminelë. Dikush nga ju do thotë nuk e lejon ligji, por Edi Rama po përgatit me ligj kthimin e tyre si biznesmenë të ligjshëm të kanabisit”, tha ai.
