Kryetari i PD, Lulzim Basha i është përgjigjur pozitivisht ftesës së kryetarit të Kuvendit Ilir Meta për t’u takuar për reformën në drejtësi. Takimi do të zhvillohet sot në orën 11:00 në ambientet e Hotel Rogner në kryeqytet dhe ka si qëllim arritjen e konsensusit për miratimin e reformës në drejtësi. Disa nga burimet bëjnë të ditur se kryeopozitari Basha pritet që të shoqërohet nga deputeti Oerd Bylykbashi. Ndërsa Ilir Meta nën cilësinë e kryeparlemntarit shoqerohet nga shefi i kabinentit Sokol Dervishi. Ftesa e Ilir Metës për Bashën erdhi pas dështimit të bisedimeve mes kryeministrit Rama dhe kreut të opozitës Lulzim Basha.
Ilir Meta e ftoi Lulzim Bashën
Ilir Meta në cilësinë e kryeparlamentarit ka ftuar për një takim, brenda së hënës kryetarin e PD, Lulzim Basha.
Edhe pse ia la në dorë kryeopozitarit formatin e takimit, Meta tha se do të mirëpriste një tryezë më praninë e Edi Ramës, Lulzim Bashës dhe ekspertëve të huaj, duke synuar kështu një dialog të gjerë.
Ilir Meta: “I kam dërguar sot një ftesë dhe kërkesë zyrtare kryetarit të PD-së, Lulzim Basha, për tu takuar me të. Jam fleksibël për tu takuar në çdo moment që tani, por mundësisht deri të hënën. Sepse përndryshe mund të kompromentojmë proçedurat parlamentare dhe integritetin e Kuvendit”.
