Victoria Nuland krahas kreut të Partisë Demokratike Lulzim Basha, ka zhvilluar dje nje bisedë telefonike edhe me ish-kryeministrin Sali Berisha.
Lajmi bëhet me dije nga zyra e tij për shtyp, ku theksohet se biseda u perqendrua kryesisht ne reformen e drejtësi.
Ndihmes Sekretarja e Shtetit Nuland mësohet se ka theksuar në bisedën me Berishën rendesine e madhe të kësaj reforme për integrimin e Shqipërisë në Europë dhe shprehu vlerësimin e saj në perpjekjet e fundit të Ambasadorëve të SHBA dhe BE për një kompromis midis paleve në ditët që vijnë.
Ndërsa Berisha mësohet të ketë deklaruar se beson në një kompromis, në rast se qeveria dëshiron reformën, është plotësisht e mundshem.
“Kerkesa e opozitës për vënde të rezervuara është një kërkesë anti-kapje, bazohet plotësisht në rekomandimet ndërkombëtare dhe qeveria nuk ka asnjë arsye të mos e pranojë”, u shpreh ai.
Berisha theksoi se thjeshtimi i arkitekturës së institucioneve të drejtesisë është plotësisht i mundshëm dhe u shpreh se shpreson që palët do të bien dakord.
Në përfundim Ndihmës Sekretarja e Shtetit, zonja Nuland dhe zoti Berisha vlerësuan si shumë të rëndësishëm një kompromis të mundshëm në ditët qe vinë.
