Anëtarja e Komisionit të Rikthimit të Partisë Demokratike, Albana Vokshi, pas votimit për shkarkimin e Bashës ka dhënë detaje në lidhje me ecurinë e procesit.
Vokshi ka bërë me dije se deri në orën 11:30 numri i pjesëmarrësve është 11 680 anëtarë.
“Pjesëmarrja në Referendum për shkarkimin e Lulzim Bashës deri më tani është në nivele të larta. Deri në orën 11:30 kanë votuar 11 680 demokratë . Në të gjithë qendrat e votimit ka fluks, dhe numri mund të jetë dhe më i kartë sesa ky që unë kam raportura. Tani i gjithë komisioni është në terren dhe në qendra të ndryshme të votimit. Jemi në terren që të marrim shifrat dhe i raportojmë, më pas do të dalim që ti bëjmë dhe publike. Rama dhe Basha kanë tentuar që të pengojnë procesin e votimit për referendumin, një ngjarje e paprecedentë jo vetëm për politikën shqiptare por edhe atë ndërkombëtare. Udhëzimi që ne kemi dërguar në çdo qendër votimi është respektuar me përpikmëri”, ka thënë Vokshi.
