Real Madrid është thjesht fantastik në 3 javët e para të La Ligas. Los blancos mposhtën 4-1 Leganes në Bernabeu dhe siguruan fitoren e tretë në po kaq ndeshje duke kryesuar me pikë të plota. Gareth Bale i dha avantazhin madrilenëve ndërsa Leganes barazoi me penalltinë e Carillo. Në pjesën e dytë shpërthen Karim Benzema.Sulmuesi francez po kalon një superformë dhe realizon dygolëshin e dytë radhazi. Benzema tund rrjetën e miqve në minutat 50 dhe 60-të. Ndërsa kapiteni Sergio Ramos kthen në gol një penallti të fituar nga Asensio dhe Real mbyll llogaritë duke mposhtur 4-1 Leganes.
Humbje të rëndë ka pësuar Atletico Madrid që u mposht në Balaidos 2-0 nga Celta Vigo. Vendasit shënuan dy herë në fillimin e pjesës së dytë me Maxi Gomez dhe Iago Aspas për të siguruar tre pikët. Atletico që tani e sheh veten -5 pikë nga Reali kryesues.
Bayerni siguron fitoren e dytë radhazi në Bundesligë duke mposhtur në transfertë Stuttgart 3-0.
Liverpool dhe Chelsea në Premier League arrijnë fitoren e 4 në po kaq ndeshje dhe janë në kryesim të kampionatit.
