Real Madrid është shpallur kampion i Spanjës për herë të 33-të pasi ka fituar 2-0 në fushën e Malaga, duke nisur një festë të madhe në kryeqytet, pesë vjet nga hera e fundit.
Ekipit të Zidane i mjaftonte një pikë në transfertën ndaj Malagës, për t’u shpallur kampion, por madrilenët arritën të marrin tre pikët maksimale.
Ishte pikërisht sulmuesi portugez ai që zhbllokoi ndeshjen që në minutën e dytë, ndërsa Benzema dyfishoi shifrat në fillim të pjesës së dytë.
Edhe Barcelona arriti të marrë një fitore ndaj Eibarit, duke përmbysur disavantazhin 0-2, me tre gola në 25 minuta. Gjithsesi, kjo përmbysje nuk i shërbeu për asgjë katalanasve, pasi fati i titullit ishte në dorë të Realit.
