Reagon Gjata: Policia ka shumë përgjime, por nuk ia jep prokurorisë, sepse rrezikohen politikanë

Sekretari për çështjet zgjedhore në PD, Çlirim Gjata gjatë një interviste të dhënë, është shprehur se Kushtetuta ngarkon vetëm prokurorinë për të bërë përgjime, jo policinë.
Sipas tij nëse policia përgjon pa urdhër të prokurorisë, atëherë këto përgjime do t’i bëjë Rama dhe Lleshaj dhe këto përgjime mund të përdoren politikisht dhe në mënyrë abuzive.
“Kushtetuta ngarkon për të ndjekur që vetëm prokurorinë, gjykata është e vetmja që jep drejtësi. Policia mund të bëjë përgjigje teknike, por pasi merr urdhër nga prokurori. T’i japësh policisë të përgjojë pa urdhrin e prokurorit, atëherë kjo të thotë se kjo varet nga ministri i Brendshëm dhe Kryeministri. Tani përgjimet i bën Sandër Lleshaj dhe Edi Rama. Policia ka shumë përgjime, por nuk ia jep prokurorisë, sepse rrezikohen politikanë. Policia më parë lajmëron kriminelët shiko se do t’ju përgjojmë se sa ia çon prokurorisë. Duhet lënë prokuroria në kushtetuetshmëri”, u shpreh Gjata.
Gjata ka shtuar se Prokuroria i trembet më shumë politikës se sa krimit.
“Prokuroria ka qenë e kapur, i trembej më shumë politikës se sa krimit, sepse ata të shesin. Kjo mazhorancë bleu zgjedhjet, krimi i organizuar i lidhur me politikën. Kjo qeveri po bën ligje për të luftuar krimin, por ajo është e lidhur me krimin vetë. Kjo është bërë që të vihet SPAK-u nën urdhrat e ministrit t brendshëm, kur duhet të fuste brenda ministra. Po i vë gjoba biznesit, sepse mund ta konfiskojë dhe ti vërë gjoba pa urdhrin e prokurorisë. Po ashtu po e bën në kundër shoë elektoral. Ata po investojë miliona në kulla, në miniera, në asete, kurse t’i po i konfiskon një makinë”, tha zyrtari i PD.
Autorizimi i policisë për të kryer përgjime shoqërohet me instituimin e një koncepti të ri të quajtur “procedim policor”, si dhe me krijimin e një Komiteti në të cilin, dy drejtuesit e shërbimeve të prokurorisë, Prokurori i Përgjithshëm dhe kreu i Prokurorisë së Posaçme kundër Krimit të Organizuar dhe Korrupsionit, SPAK, do të duhet të raportojnë te Ministri i Brendshëm.
Propozimet për ndryshime në këtë ligj janë bërë nga Këshilli i Ministrave dhe depozituar në Kuvendin e Shqipërisë.