Famit Xhafaj, ish-ministri pinjoll i komunizmit dhe vëllai i një trafikanti droge, u shfaq mbrëmjen e djeshme në emisionin “Opinion” të Blendi Fevziut, në një përpjekje propagandistike për të kuruar figurën e tij të degraduar.
Pas intervistës, ka reaguar nga qelia politike e burgut të Fierit Ervin Salianji, i cili ndodhet pas hekurave pasi denoncoi vëllanë trafikant të Fatmir Xhafajt. Në reagimin nga kabina telefonike e burgut politike, e përcjellë nga zyra e shtypit e PD-së, Salianji rrëzon me fakte 11 deklarata të gënjeshtra të komunistit, sot Rilindas Xhafaj, dhënë në studion e emisionit të Blendi Fevizut.
Reagimi i Salianjit
Deklarimet e tij si çdo montim e sajim tjetër në këtë proces bien të gjitha në përballje me dokumenta shkencore apo dëshmi zyrtare!
Qarja e tij e stisur nga gëzimi që arriti të përdorë funksionet e tij për të “larë” veten dhe përfshirjen dhe ndihmën që i jep trafikantëve ishte neveritëse!
Xhafaj përlotet për gabimin “e vogël” të vëllait 22 vjeçar që ishte trafikant narkotrafiku me dënim të gjykatës italiane pas një operacioni të DEA-s Amerikane, ishte krenar që e vazhdonte trafikun bashkë me ndihmën e familjarit ministër dhe me emërimet e drejtuesve të policisë, ndërkohë unë jam krenar për veten që në moshën 20 e ca vjeçare hyja në fushat e kanabisit, takoja çdo qytetar dhe protestoja për shqetësimet e tyre, denoncoja trafikun e drogës të qeverisë apo bandat kriminale me emra dhe mbiemra, çdo denoncim në 11 vite opozitë mu faktua si i drejtë me kalimin e kohës!
Mjafton kjo pasqyrë e dy fytyrave të realitetit për të nënqeshur me dyfytyrësinë e paturp të një të moshuari që ka 40 vjet që me këto makinacione e ka zyrën në po të nijetin vend tek ish Komiteti Qendror!
Kështu:
- F.Xhafaj tha: Investigimin e ka kryer Salianji!
Fakti: Ylli Rakipi (I përmendur nga Xhafa), ka deklaruar që investigimin e ka autorizuar ai!
Gazetari Jetmir Olldashi ka deklaruar më pas që investigimin e ka kryer ai.
Albert Veliu (Babalja) në dëshminë e tij ka deklaruar që e ka kryer ai vetë përgjimin.
Të gjitha të dhëna në dosje.
- F.Xhafaj tha: Prokuroria ka kërkuar 1.6 muaj burg!!
Fakti: Prokuroria ka kërkuar 6 muaj konvertuar në shërbim prove.
- F.Xhafaj tha: Investigimin e ka kryer Salianji!
Fakti: Ervin Salianji, investigimin e ka marrë të gatshëm dhe në fillimet e denoncimit kam ruajtur anonimitetin e dëshmitarëve dhe invetiguesve që më pas i identifikoi vetë Geron Xhafaj! Dëshmitari i vetëm kundër tre dëshmive të tjera, del dëshmitari i rremë Alizoti i cili instruktohet dhe paguhet nga drejtoret e policisë që të luajë rolin e Gerontit!
Ndërkohë ky personazh është kontingjent i policisë dhe nuk ka për një komunikim timin me Alizotin!
Të gjitha fakte të administruara në dosjet e prokurorisë.
- F.Xhafaj tha: Vëllai im Geroni në orën 13:30 ka qenë në Fier!
Fakti: Qelizat telefonike siç do të shihni në tabelën e qelizave telefonike të cilat i ka prokuroria, qartazi nga ora 12.48 – personat Albert Veliu (Babalja) Agron (Geron) Xhafaj dhe Gazetari Jetmir Olldashi gjenden në të njëjtin ambient, lokali Geron Xhafaj në Vlorë.
- F.Xhafaj tha: Komunikimin e ka kryer Salianji!
Fakti: Tabulatet telefonike tregojnë që komunikimin e ka nisur Jetmir Olldashi me A. Veliun kur na kërkuan mbrojtjen për shkak të investigimit të fortë!
Dokumenti:
- F.Xhafaj tha: Salianji ndryshe ka thënë në prokurori ndryshe në publik!
Fakti: Komunikimi ka nisur nga gazetari Olldashi, dhe në çdo deklaratë timen unë kam ruajtur burimin e informacionit dhe dëshmitarin siç e do çdo denoncim me rrezik të lartë.
Fakt i thënë para drejtësisë.
- F.Xhafaj tha: Përgjimet mes Babales dhe Alizotit tregojnë qe e kane sajuar!
Fakti: Përgjimet e stimuluara duke dhenë para Alizotit drejtuesit e policisë, mes Babales dhe Alizotit tregojnë se si Babalja/ Albert Veliu i thotë Fredi Alizotit: “– Ku hyn ti tek kjo o Fredi”?
- F.Xhafaj tha: Që ai vetë, Fatmir Xhafaj kishte dhënë dorëheqjen nga posti që të mos ndikonte në çështjen e të vëllait.
Fakti: Ai qëndroi Ministër derisa e gjithë dosja e të vëllait u kopsit, së pari nuk e arrestoi dhe as e mbajtën në Shqipëri që të hetohej, ti merrej celulari, komunikimet, komunikimet me drejtuesit e policisë, me trafikantët, etj.
- F.Xhafaj tha: Geroni, Vëllai im shkoi ta kryente dënimin pa kërkesë.
Fakti: Shkoi të kryente dënimin, sepse kjo ishte e vetmja mënyrë që mos të niste hetimi i ri penal për Geron Xhafën nga drejtësia.
Gazetari Jetmir Olldashi la deklaruar më pas që investigimin e kam kryer unë.
Albert Veliu (Babalja) në dëshminë e tij ka deklaruar që e ka kryer ai vetë përgjimin. Thelbi i dënimit tim politik është i qartë, të dënohet denoncuesi dhe të devijohen hetimet që Agron dhe Fatmir Xhafaj të shpëtonin nga dënimi me burg për trafik droge në bashkëpunim!
- F.Xhafaj: përmendi Prokurorët e krimeve të rënda dhe SHISH.
Fakti: Fatmir Xhafaj dhe familjarët e tij duhet ti përgjigjen kësaj pyetje: Përse SHISH, Prokuroria e Krimeve të Rënda, e kishin nën survejim vëllain e tij Geron nëse ai nuk ishte kontingjent, sipas tij ishte i pastër? Dhe a e ka ndihmuar ai familjarin e vet nga arrestimi për trafikun e drogës duke dekonspiruar operacionet e prokurorisë?!
- Xhafaj tha nuk është dorëzuar pajisja origjinale!
Fakt. Pajisja origjinale është dorëzuar tek Krimet e Rënda dhe gjykata nuk pranoi ta merrte si provë! Pavarësisht kësaj, akt ekspertiza e laboratorit britanik ka vërtetuar që zëri i Agron Xhafajt është i njëjtë/i ngjashëm me zërin e publikuar nga ana e Partisë Demokratike!
