Ka dështuar edhe raundi i dytë për zgjedhjen e Presidentit të Republikës për zëvendësimin e Ilir Metës pas largimit nga posti më 24 korrik.
Komisioni për Çështjet Ligjore u mblodh mëngjesin e 23 majit për shqyrtimin e kandidaturave për zgjedhjen e Presidentit të ri të Republikës. Por deri në afatin e përcaktuar të dielën, nuk ishte paraqitur asnjë kandidaturë.
Në këto kushte, kryetarja e komisionit të Ligjeve, Klotilda Bushka tha: “Edhe për këtë raund nuk ka kandidatura, raundi i dytë quhet i kryer”, ndërsa pasdite do të mblidhet sërish Kuvendi për të kryer formalitetet, por pritet të dështojë pasi asnjë kandidaturë nuk është paraqitur.
