Një grua japoneze është diagnostikuar për herë të dytë me koronavirus vetëm pak javë pasi u deklarua e shëruar.
Gruaja, që punonte si guidë në një autobus turistësh, është personi i parë jashtë Kinës që diagnostikohet dy herë. Në Japoni janë konfirmuar 180 raste.
Në Kinë, janë raportuar disa raste ku të shëruarit janë infektuar sërish ose u është rishfaqur sëmundja, por ky është rasti i parë jashtë vendit ku koronavirusi pati origjinën.
Gruaja banore në Osaka, në të dyzetat e saj, u diagnostikua për herë të dytë të mërkurën pasi u ankua për dhimbje fyti dhe kraharori. Ajo u infektua me koronavirus për herë të parë në fillim të shkurtit.
“Në momentin që infektohesh, virusi mund të bëhet i fjetur dhe të shfaqë simptoma minimale. Gjendja përkeqësohet nëse virusi shkon drejt mushkërive,” tha Phillip Tierno Jr. një pedagog i mikrobibologjisë dhe patologjisë në NYU School of Medicine. “Nuk jam i sigurt se ky rast nuk është dyfazësh, si antraksi.’
Kjo do do të thotë se sëmundja mund të duket sikur është shëruar para se të rishfaqet.
Koronavirusi ëshët shpërhapur me shpejtësi në gjithë botën. Janë rreth 80 mijë të prekur dhe 2800 të vdekur. Shumica e rasteve ndodhen në Kinë, por konfirmimet e reja në Korenë e Jugut dhe Itali kanë rritur shanset e një pandemie. /TheIndependent
