Tashmë nuk kanë mbetur dilema. Françesko Toti nuk ka më të ardhme tek Roma, nëse nuk heq dorë nga fusha e lojës. Por megjithëse 39 vjeç, kapiteni i madh nuk ka ndërmend të dorëzohet dhe kërkon me ngulm të luajë edhe për të paktën një sezon tjetër, ndërsa drejtuesit e Romës janë të gatshëm t’i ofrojnë një kontratë 6-vjeçare, por vetëm si drejtues në klub. Dhe këtë rast nuk e ka lënë t’i shpëtojë trajneri i Leiçesterit, Klaudio Ranieri. Në një takim në Romë disa javë më parë, tekniku im kryesuesve të Premier League i ka bërë të ditur Totit që në skuadrën e tij ka një vend për të, aq më shumë që në mos kampion, Leiçester e ka të sigurtë një vend në Champions për sezonin e ardhshëm. Madje kjo ofertë është përsëritur sërish. Tashmë është radha e simbolit të Romës të vendosë për të ndërruar skuadër për herë të parë në karierë, ndërkohë që nuk mungojnë ofertat edhe nga skuadra të kampionatit amerikan.
