Real Madrid ka fituar 3-1 në fushën e Napoli dhe është kualifikuar për në çerekfinalet e Champions League.
Ishte Dries Mertens, i cili shënoi golin e avantazhit për Napoli. Në 15 minutat e para të pjesës së dytë, gjithçka mori fund, teksa Sergio Ramos shënoi dy herë për miqtë, në të dyja rastet në të njëjtën mënyrë, duke kërcyer më lart se të gjithë gjatë goditjeve nga këndi të ekzekutuara nga Toni Kroos.
Në “San Paolo” u mbyll 1-3 goli i tretë u shënua nga Alvaro Morata për “Los Blancos”.
Sergio Ramos ka shënuar tetë gola në tre edicionet e fundit të Champions dhe secili prej tyre ka qenë vendimtar, pra në ndeshje me eliminim direkt. Në Napoli, kapiteni festoi ndeshjen e 100-të me “Los Blancos” në veprimtarinë elitare.
