Kryeministri Edi Rama ka deklaruar se zgjedhjet do të bëhen më 18 qershor, duke respektuar afatin kushtetues.
Nga parlamenti Rama përsëriti edhe njëherë se pa vettingun nuk kemi çfarë të diskutojmë tjetër, që do të thotë se vettingu është arsyeja pse është gjymtuar parlamenti.
“Nuk është ende e mundur të parashikohet se kur PD do të kthehet në rrugën e arsyes. Nga ana tjetër pasnesër skadon afati për regjistrimin e kandidatëve për zgjedhjet e 18 qershorit dhe sigurisht që ne do të respektojmë afatin dhe patjetër ne do të respektojmë edhe ditën, datën e përcaktuar nga Presidenti në bazë të Kushtetutës së Republikës për të shkuar përpara popullit.
Vettingu, arsyeja pse është ngritur çadra, dhe pse PD nuk shkon në zgjedhje dhe vettingu është dhe arsyeja më e qënësishme e betejës sonë për të reformuar drejtësinë.
Shumëkush flet për krizë politike, shumëkush flet për krizë dramatike, për mua ka qënë dhe mbetet kriza nervore e Partisë Demokratike”, përfundoi Rama.
