Kryeministri i Shqipërisë Edi Rama u ka kërkuar falje të gjithë shqiptarëve për sjelljen e opozitës.
Ai theksoi se kjo shfaqje dëmton të gjithë shqiptarët.
“Ju kërkoj ndjesë të gjithë shqiptarëve dhe ndërkombëtarëve për atë që ndodhi sot. Shfaqjne e sotme edhe opozita, por faturën e merr Shqipëria që është më afër se kurrë çeljes së negociatave. Bëra sa munda të bashkëpunoja me opozitën për Prokurorin e Përkohshëm.
Ne kemi treguar respekt për çdo protestë dhe protestues, por protestuesve të sotëm do t’i bëj një pyetje. Ju që nuk ë doni këtë qeveri për arsyet tuaja, po a mund të ndodhë që BE dhe SHBA të pranojë që qeveria të kapet përmes një puçi të tillë? A mendoni ju se partnerët strategjike janë investuar në vijën e parë për një reformë në drejtësi, për të mundësuar kapjen e saj me një ngritje të kartonit nga kjo shumicë qeverisëse? A mund të ketë budallenj që të besojnë se Shqipëria ndërkohë që pret anëtarësimin në BE, të ndodhë kapja e institucioneve nga kryeministri? Një gjë të tillë nuk mund të ketë. Unë besoj se një gënjeshtër kaq e madhe do t’i ketë këmbët e shkurtra. E këtë do ta kuptojë edhe ata që protestuan sot pa e pyetur veten për këto që unë po them tani.
PS mori përsipër ta udhëheqë reformën më të vështirë dhe më të thelluar të këtyre viteve, reformën në drejtësi. Sot nuk e bëmë dot bashkë me opozitën zgjedhjen legjitime të kryeprokurorit, edhe pse u përpoqëm deri në fund. Por kush i merr kërkesat e mia drejtuar kreut të opozitës si dobësi, gabohet, pasi janë kërkesa përgjegjësie, dhe dëshire për ta përfshirë opozitën në këtë proces. Ky vend nuk mund të jetë më përshesh në çdo shesh ku marrin fjalën ata që politikën e duaj mjet për interesat e tyre, dhe jo për interesat e qeverisë. Mandatet i duan si armë për të mbrojtur veten e tyre dhe jo për të mbrojtur qytetarët. Po prapë se prapë opozitën nuk e zgjedhim dot, opozita është ajo që kemi, dhe ne do vazhdojmë të kërkojmë dialog dhe mirëkuptim. Por askush nuk do të na pengojë në rrugën e integrimit, dhe që të bëjmë shtet. Dhe kjo kërkon zbatimin në çdo hap të reformës në drejtësi”, përfundoi kryeministri Rama.
