Në mbledhjen e Asamblesë së Partisë Socialiste kryeministri Edi Rama ka dhënë detaje mbi atë çfarë do të diskutohet në Kongresin e 9 prillit.
Rama tha se pjesa e parë e këtij Kongresi do të jetë e hapur për të gjithë grupet e interest ndërsa shtoi se do të diskutohet për politkën e jashtme të vendit por edhe për energjinë dhe rëndësinë e saj në ditët e sotme.
“Kongresi do jetë ndryshe nga organizimi, pasi do jetë në pjesën e parë i hapur për grupet e interesit, për faktorë shoqëror, që duan të bashkohen, në një numër panelesh të shtrira, qoftë në pjesën përpara saj, edhe në bulevrad, edhe të sheshi “Nënë Tereza”, ku do ti shtohemi disa temave që i kemi identifikuar si tema të një rëndësie të parë në këtë mbledhje të kongresit, duke filluar nga tema e politikës së jashtme, Shqipëria, rajoni dhe marrëdhëniet tona me Evropën tek tema e energjisë që sot ka një rëndësi të vecante së bashku me mjedisin dhe lëvizshmërinë, tek shëndeti dhe mirëqënia shoqërore dhe tek tema e rinisë dhe inovacionit, janë këto panele që do të do moderohen nga anëtarë të kryesisë së PS ku do jenë të ftuar të marrin pjesë”, u shpreh Rama.
