Kryeministri i drejtohet kreut të opozitës: Këtë qeveri nuk ke për ta rrëzuar kurrë nëse popupulli nuk e rrëzon me 18 qershor
Kryeministri Edi Rama duket i vendosur të mos lëshojë asgjë nga qëndrimet e tij, duke refuzuar kërkesën e opozitës për qeveri teknike. Rama deklaroi i vendosur se qeveria nuk do të rrëzohet nga Basha por vetëm nëse rrëzohet nga populli më 18 qershor. “Këtë qeveri nuk ke për ta rrëzuar kurrë nëse populli nuk e rrëzon me 18 qershor. Por të pres Lulzim të vish të ulemi për dialog sepse vetëm përmes dialogut do të zgjidhet kriza. Në situtën surreale që ka krijuar PD duke u përpjekur të minojë themelin e jetës demokratike, lirinë dhe të drejtën e votuesve të saj për të zgjedhur po ndodh ajo që nuk ka ndodhur kurrë në Shqipëri. Është opozita dhe jo qeveria që refuzon dialogun.
Kurrë ky vend nuk e ka parë një krizë të tillë artificiale të provokuar dhe promovuar nga një elitë e korruptuar dhe e habruar politkanësh, gjyqtarësh. Opozita refuzon brutalisht dialogun. Të sabotojë çdo përpjekje të qeverisë për dialog.
Kam mobilizuar zyrën time për të komunikuar me kryetarin e PD. Kam treguar gadishmërinë për të mbështeur nismën e presidenit për dialog . Por dhe nisma vullnetmirë e presidentit nuk po sjell asnjë sukses, edhe pse i është lënë dorë e lirë të diskutojë çfarë do të flasë në tryezë. Ky pozicionim është krejtësisht i papranueshëm dhe i papajtueshëm i PD-së.
Kjo krizë artificiale krijon një perceptim negativ për Shqipërinë, frymëzon kriminalitetin, ushqen fantazinë e atyre që nuk e duan këtë vend, duke krijuar shtigje për të synuar destabilizim të mundshëm”, tha Rama.
