Pak pasi kryeministri Edi Rama iu bëri thirrje nga Instagrami që të ulen në dialog, studentët i janë përgjigjur nga poshtë zyrës së tij. Gjatë fjalës së saj një prej protestuesve i bëri thirrje kreut të qeverisë që të pranonte 8 kërkesat e studentëve, ndërsa shtoi se ishin të gatshëm për dialog.
“Sharrat e Doktorreshës dhe britmat në gjumë të Artistit, e gjymtuan si s’ka më keq protestën tuaj! Por unë dhe ju që s’jeni më aty, jo vetëm që s’do t’i lemë pa adresuar ato 8 pika, po do të bëjmë shumë më shumë se aq SE BASHKU. Ditët po na ikin shpejt e festat po vijnë, prandaj mos rrini po dukuni dhe t’ia nisim punës me #Dialog#Bashkëpunim #Këmbëngulje për Universitetin”, shkruan Rama në Instagram.
Ajo i sugjeroi Ramës që ky i fundit të merrte një mikrofon dhe nga Kryeministria të pranonte publikisht miratimin e 8 kërkesave të tyre.
“Ne jemi gati ta bëjmë dialogun, por s’na merr të gjithëve kryeministria. merrni mikrofonin dhe na flisni. Thoni se keni plotësuar kërkesat tona. Dhe shkarkoni rektorët e korruptuar, meqë dhe ju e thatë se ata ishin të korruptuar”, tha studentja.
https://www.facebook.com/faxweb.al/videos/749477202090046/
