Kryeministri Edi Rama duket se kërkon të nxisë protesta të tjera, pasi shprehet i vendosur se taksa e naftës nuk lëviz edhe sikur në shesh të dalin 45 mijë veta
Rama tha se qeveria është bërë mburojë për familjet shqiptare dhe biznesin e vogël.
“Ja ku është kriza e ulur këmbëkryq me çmimet dhe ne që jemi mburojë për familjet shqiptare dhe biznesin e vogël me një kosto marramendëse. Unë e konsideroj virtyt, një cilësi pozitive që një kryeministër të reagojë kur ka proteste. Nuk është çështje frike apo sedre. Protestuesit atë detyrë kanë. Unë s’kam asgjë personale, çështja është që kjo protestë është një gjë jashtë kontekstit të luftës. Të turpshme ishin edhe ato protesta nga opozita që shkatërronin e shpërndaheshin në botë. Këtu nuk kemi çfarë diskutojmë edhe sikur 45 mijë të mblidhen nuk lëviz taksa e naftë”, deklaron ai.
