Ditën e nesërme Kryeministri Edi Rama ka njoftuar për një tjetër takim elektoral kësaj here në Rrethin e Kukësit.
Ndryshe nga çfarë ishte paralajmëruar se takimi do të zhvillohej në qendrën e qytetit Veri-Lindor, ky takim pritet të zhvillohet pranë Aeroportit të Kukësit.
Takimi mësohet të jetë zhvendosur pas incidenteve dhe përplasjeve të herëpashershme midis përkrahësve të opozitës dhe Policisë së Shtetit në qytetet ku Rama ka zhvilluar takime elektorale.
Kujtojmë gjithashtu se pas protestës së 21 qershorit, Opozita e Bashkuar ka paralajmëruar se vizitat e Ramës në vend do të shoqërohen me protesta dhe bllokim rrugësh nga mbështetësit dhe qytetarët.
