Kryeministri i vendit Edi Rama ka marrë fjalën në seancën e sotme parlamentare duke sulmuar presidentin Ilir Meta.
Rama shprehet se Meta e ka humbur busullën e orientimin, dhe po tenton me çdo kusht që të pengojë Reformën në Drejtësi.
Kryeministri përmendi disa herë ndërkombëtarët, duke deklaruar se sulmet e Metës janë ndaj SHBA dhe BE. Kurse Rama tha se ai dhe qeveria e tij është në një linjë me SHBA dhe BE.
“Edhe njëherë tjetër parlamenti është i detyruar që të mblidhet në një seancë të jashtëzakonshme, tani të zakonshme me Ilir Metën. Edhe njëherë tjetër përplasja nuk ështyë mes nessh dhe mes Ilir Metës por mes Ilir Metës dhe drejtësisë. Jemi përballë një njeriu që e ka humbur busullën, dhe e ka kthyer presidencën në një fërgji që sulmon nga të gjitha anët.
Është e lehtë që të kuptohet se pse Ilir Meta sulmon dhe dy patnerët strategjikë që janë SHBA-të dhe BE-të, dhe na vë ne një një pozitë aspak komode dhe të turpshme, për ta thënë me të gjitha fjalët derinë fund.
Insinuon se këto përfaqesi të nderuara, që janë promotoret dhe mbështetëset e Reformës në Drejtësi, akuzohen si të korrupruara, nuk ka më turp se kaq, nuk ka nevojë që të zgjatemi më për arsyet që na sjellin këtu. Këtë herë nuk do të merrem me Ilir Metën por do të merrem me drejtësinë”, u shpreh Rama në Kuvend.
