Kryeministri Edi Rama, në një konferencë për shtyp prezantoi sot planin e qeverisë për mbrojtjen nga kriza energjitike që ka paralajmëruar.
Kreu i qeverisë përpara se të nisë me prezantimin e planit bëri një bilanc të punës së qeverisë së drejtuar nga ai. Mes të tjerash ai argumentoi se pse nuk mund të rriten pagat dhe pensionet “sipas dëshirës.”
“Nuk ekziston asnjë kryeministër, dhe më i keqi në botë, që dëshirën e vet më të parë nuk ka të rrisë pagat e pensionet. Por nuk mund të rrisësh paga e pensione përtej aftësive të arkës së shtetit.”
Kryeministri tha se që ta bëjmë pensionin minimal 300 euro dhe pagën minimale 500 euro, vendi do të futej në krizën e parë të urisë.
“Nëse e bëjmë qoftë edhe 300 mijë lekë pensionin minimal, në fund të vitit që vjen nuk duhet të bëjmë më investime, dhe pas dy vitesh do të shihnim falimentimin më të madh të shtetit. Do të shihnim çdo të thotë në të vërtetë të vdesësh për bukë. Nëse paga minimale bëhet 500 euro, në më pak se një vit hyjmë në krizën e parë të urisë.”
